Hjálmar

Þorsteinn Einarsson - gítar og söngur

Sigurður Guðmundsson - söngur og orgel

Valdimar Kolbeinn Sigurjónsson - bassi

Helgi Svavar Helgason - trommur og slagverk

Guðmundur Kristinn Jónsson - gítar

Samúel Jón Samúelsson, Básúna

Kjartan Hákonarson, Trompet

Óskar Guðjónsson, Saxófónn

Hjálmar - Yfir hafið

Yfir hafið

Segðu já

Hegðun skýja um vetur

Nú sólin er hnigin

Slingur

Adam átti 7

Draumaland

Eins og þú

Tjörnin

Hljóðritað í Studio Síló, Hljóðrita og Skammarkróknum

 

Upptökur: Vinny Vamos, Guðmundur Kristinn Jónsson, Sigurður Guðmundsson og Friðjón Jónsson

Hljómblöndun: Guðmundur Kristinn Jónsson og Sigurður Guðmundsson

Tónjöfnun: Guðmundur Kristinn Jónsson og Sigurður Guðmundsson

 

Blástursútsetningar: Samúel Jón Samúelsson 

Upptökustjórn: Guðmundur Kristinn Jónsson og Sigurður Guðmundsson

 

Útgefandi: Record Records

Ljósmyndir: Jónatan Grétarsson

Hönnun: Bobby Breiðholt

Myndskreytingar: Ragnar Fjalar Lárusson

 

Útgáfuár 2020

Yfir hafið (3:57)

Lag og texti: Þorsteinn Einarsson


 

Ef þetta er draumur og þú ert ekki til

þá hefur myndast í eilífðina bil

og engin getur fyllt það tómarúm

engin nema þú

 

þó að mér lítist oft ekki á blikuna

þá leitar hugur minn upp til skýjanna

og þegar birtir loksins yfir hel

þá kemur þú til mín

 

en ég verð víst að sætta mig við að

það er ei gefið að eiga vissan stað

og engin veit hið eina rétta svar

nema kanski þú

 

ef ég þá bið þig að vitja mín í nótt

þú getur komið og minninguna sótt

og yfir hafið ferðast kveðjan mín

áleiðis til þín


 

Segðu já (4:31)

Lag og texti: Þorsteinn Einarsson


 

Á rauðu tungli rís ég upp

og reyni að átta mig á því

það skín á ný með skærri mynd

sé varla á himninum ský

 

hann tekur rof og hefur frá

það heiðar til eftir skúrina

beiskur hiti hunangsfall

hef mig vart út á götuna

 

segðu,segðu,segðu,segðu já

 

strangur vegur fyrir fót

finnst mér þó verra að kveðja

að aftan hef ég enga bót

og ætla á þig að veðja

 

nú finnst mér hálfnað heim til þín

hvaðan sem vindur á stendur

á meðan þerrisólin skín

ég sæki á þínar lendur

 

segðu,segðu,segðu,segðu já


 

Hegðun skýja um vetur (3:38)

Lag og texti: Þorsteinn Einarsson


 

Stendur það og hreyfist varla úr stað

sækir öldurnar þráir þeirra bað

versni tíð og gerist vindasamt um hríð

sit ég hér og bíð

 

horfi yfir og sé létta til

 

norðanfjúk og jörðu hylur fönnin mjúk

falið hálendið undir hvítum dúk

snær vill stríð og af hans vörum blæs um hríð

vindur upp á sig ég sit enn og bíð

 

horfi yfir og sé létta til

léttir til


 

Nú sólin er hnigin (4:21)

Lag og texti: Þorsteinn Einarsson


 

Nú sólin er hnigin út við sjóndeildarhring

nú sefur drótt

englarnir vaka þér yfir í kring

og allt er hljótt

 

svífðu í drauminn og sofðu nú vært

um svarta nótt

í draumum er alltaf um fjallvegi fært

og föngin sótt

 

næðir vel að norðan

napurt er hans þel

Kári mundar korðann

kinnar bítur hel


 

Slingur (4:00)

Lag og texti: Þorsteinn Einarsson


 

Í kyrrann skóg

mig þögnin dró

loftið allt nístingskalt

og það kyngir niður snjó

 

ég ber til þín

brotnu skipin mín

fölnuð blóm,liðin hljóm

og á meðan birtan dvín

 

veröldin er horfin hafsauga í

heimurinn í molum allt fyrir bí

og enginn áttar sig á því

 

þökk fyrir allt

þú hafa skalt

hjartasár,örfá tár

úti bíður myrkrið svalt

 

um langan veg

fórum þú og ég

áður fyrr varstu kyrr

en þó óútreiknanleg

Adam átti 7 (4:48)

Lag og texti: Þorsteinn Einarsson


 

logn og fögur fjallasýn

fyrir okkar augum

er og blessuð sólin skín

sveipuð geislabaugum

 

ligg ég hér við lækinn þinn

læt vel um mig fara

höndum fer um heita kinn

handan bleikra vara

 

ég veit engan annan stað

og ég held að þú vitir það

að þá fyndist mér fullkomnað

fyrsta sinni að renna í hlað

 

enn sem komið er ég veit

ekkert dýrmætara

en það sem ég þarna sá

í þínum augum vera

 

gefist mér þó gæfa til

geng ég eyju þvera

herðubreið og heljargil

hjá þér til að vera



 

Draumaland (5:28)

Lag og texti: Þorsteinn Einarsson / Einar Georg Einarsson


 

Í blíðasta blæ

ber mig út til þín

yfir hafið unaðsblátt

ástin mín

 

er dagstjarnan dýr

úr djúpinu rís

þýtur hugur hálfa leið

heilladís

 

það fylgir mér fugl

á ferð er hann einn

lítill,fagur,loftið sker

ljós og hreinn

 

ég fagnaði þér

og frelsisins naut

og gleðin var djúp

og geigur á braut

 

ég fagnaði þér

í friði og sátt

öll þessi fegurð

átti sinn þátt

 

í blíðasta blæ

ber mig upp í sand

dulúð vafið dylst þar mitt

draumaland

 

ég fagnaði þér

og faðmaði þig

fann hvernig elskan

flæddi um mig

 

ég fagnaði þér

við fundum hér skjól

og leiddumst í lundinn

er lækkaði sól



 

Eins og þú (5:35)

Lag og texti: Þorsteinn Einarsson

auðar götur engin heima

en ég þokast áleiðis

á þó góðu til að gleyma

geng þá oft við það á mis

 

eins og þú,ef ég væri eins og þú

 

en ég sit við útför drauma

augum gjóir til mín þú

varla er hægt að saman sauma

sífellt ófært engin brú

 

eins og þú,ef ég væri eins og þú



 

Tjörnin (4:19)

Lag og texti: Þorsteinn Einarsson/Einar Georg Einarsson

Fyrir löngu fannstu litla tjörn

falin var hún milli trjánna

ein í þéttum skógi undurhrein

yfir hvolfdist loftið fagurbláa

 

þangað komu dýr og drukku vatn

djúpur var hinn helgi friður

sá mun ekki þurfa að sakna neins

er situr þar og horfir niður

 

en nú finn ég ekki leiðina heim

og hef tapað öllum blómunum

ég veit ég hefði átt að hlýða þér

og heldur fylgja öllum reglunum

 

sá mun aldrei þurfa að sakna neins

sem sáttur er við einfaldleikan tæra

og finna afdrep fyrir blómin sín

fegurð heimsins lætur andan næra

 

honum verður lífsins gata greið

hann getur þroskað eigin sálartetur

öðrum djúpa gleði gefur hann

og gerir allt svo miklu betur

 

en nú finn ég ekki leiðina heim

og hef tapað öllum blómunum

ég veit ég hefði átt að hlýða þér

og heldur fylgja öllum reglunum

  • Black Spotify Icon

© Hjálmar